un visita magnific

Durante mi viage ab Svedia sud a Stockholm due dies retro io videva grande insignias 

que informava que Svedia attendeva un visita magnific, le presidente de USA.
Partes de Stockholm esseva claudite e controlate  per plure milles de policieros.
Vermente un evenimento grande.
Anque in TV la visita esseva un nova grande com multo intervistas e discussiones.
Le presidente nunc partira a Russia- io me demanda si ille es recipite si amicalmente
como in Svedia.
Septembre 5 2013

Animales salvage in citate

Heri io videva un documentario sur TV re animales salvage in le citate Anchorage in Alaska.
Il esseva un sensation de vider alces e ursos ambular in le stratas e in le jardines sin timor
pro le homines. Le animales esseva accostumate a trovar su alimento in le receptaculos de immunditias o in le arbores del jardines. Duo surveliantes essayava de expellar le animales quando illos esseva troppo curiose e un risco pro le habitantes.
Io non sape si io acceptarea un vicinitate a animales que es tanto grande e riscose.

Anque un vetulo maestra un computer

In Svedia nos ha un habito de calcular tote le functiones del societate.Nunc un agentia de calculation ha annunciate que multe vetulas, 24 per cento, e vetulos, 44 per cento, in Svedia ha accesso a un computator.Il se tracta de homines de 75-84 annos.

Con un etate de 77 annos io me gaude que io pertine a illes que, nonobstante le etate,ha le capacitate de travaliar con un computator.

Proque solmente le juvenes habera lo que diverte?

Visita mi websitos in interlingua:

http://goto.glocalnet.net/alguseia/ breve contos de Svedia

http://goto.glocalnet.net/interlingua/ re interlingua

Car amicos

Un nove anno e nove pensatas in interlingua.

Io ha prendite un pausa quando io ha considerate le futuro
de iste lingua. Pauc homines cognosce iste lingua e plus pauc
usa le lingua in le rete.

Le sol possibilitate pro informar re linterlingua es per medio
del moderne communication e nos omnes que apprecia un lingua
comprendite de multe homines ha de lo usar.

Ergo io continua de scriber in iste blog e spera que tu retornara
multe vices.

In Svedia nos ha hiberno con nive e multe sol- ma anque frigor.

Algus